15Quod [Note] si
-- --
illi tum in novis rebus quasi modo nascentes haesitaverunt, nihilne tot saeculis summis ingeniis maxumis
studiis explicatum putamus? nonne cum iam philosophorum disciplinae gravissimae constitissent tum
exortus [Note] est <ut> [Note] in optuma re publica Tib. [Note] Gracchus
qui otium perturbaret sic Arcesilas qui constitutam
philosophiam everteret et in eorum auctoritate delitisceret qui negavissent quicquam sciri aut percipi
posse. Quorum e numero tollendusest et Plato et
Socrates, alter quia reliquit perfectissimam disciplinam, Peripateticos et Academicos nominibus differentes re congruentes, a quibus Stoici ipsi verbis
magis quam sententiis dissenserunt, — Socrates autem
de se ipse detrahens in disputatione plus tribuebat is
quos volebat refellere; ita cum aliud diceret atque
sentiret, libenter uti solitus est [Note] ea dissimulatione
quam Graeci εἰρωνείαν vocant; quam ait etiam in
Africano fuisse Fannius, [Note] idque propterea vitiosum in
illo non putandum quod idem fuerit in Socrate.
ch. 6
16Sed [Note] fuerint illa vetera si voltis incognita: nihilne
est igitur actum, quod investigata sunt, postea quam
Arcesilas Zenoni ut putatur obtrectans nihil novi
reperienti sed emendanti superiores inmutatione verborum, dum huius definitiones labefactare volt, conatus est clarissimis rebus tenebras obducere. cuius
primo non admodum probata ratio (quamquam floruit
cum acumine ingeni tum admirabili quodam lepore
dicendi) proxime a Lacyde solo retenta est, post autem
confecta [Note] a Carneade. qui est quartus ab Arcesila;
audivit enim Hegesinum, qui Euandrum audierat Lacydi discipulum, cum Arcesilae Lacydes fuisset. sed
-- --
ipse Carneades diu tenuit, nam nonaginta vixit annos,
et qui ilium audierant admodum floruerunt. e quibus
industriae plurimum in Clitomacho fuit (declarat multitudo librorum), ingenii non minus in Hagnone, [Note] in
Charmada eloquentiae, in Melanthio Rhodio suavitatis; bene autem nosse Carneaden Stratoniceus Metrodorus putabatur.
